Stadskaping Evanger er ein gjeng med entusiastiske og kreative personar frå den vesle bygda Evanger på Voss, kjend for fine gamle trehus og ekspertise på foredling av kjøt. Dei neste seks månadane skal me planleggja og gjennomføra eit prosjekt ilag med resten av innbyggjarane i bygda.

Målet vårt er å få til eit kult og nyttig prosjekt som skal gjera Evanger meir attraktivt både for oss som bur her, og for folk utanifrå. Me ynskjer å skapa ei meir levande grend, skapa liv og røra i bygda og på vegen håpar me å bli betre kjend med sambygdingar, og andre! Her er det ingen grunn til å nøla. Bur du på Evanger? Bli med!

​